Сайн байна уу, Reader

Та фитнесээр хичээллэдэг бол creatine гэдэг нэрийг ядаж нэг удаа сонсож байсан байх.

Гэхдээ creatine хэрэглэдэг хүмүүсийн ихэнх нь яг юу хийдэг, яагаад үр дүнтэй гэдгийг сайн мэддэггүй.

Нөгөө талд нь:

“Бөөр муутгадаг.” “Бие хөөдөг.” “Үс унагадаг.” “Steroid-той адилхан.”

гэх мэт зүйлсээс болоод хэрэглэхээс айдаг хүмүүс ч олон.

Тэгвэл creatine гэж яг юу вэ, бидний биед юу хийдэг вэ?

Эхлээд ATP гэж юу болохыг маш энгийнээр ойлгоё.

Таны булчин хөдөлж, хүч гаргахын тулд энерги хэрэгтэй. Тэр энергийг шууд өгдөг зүйлийг ATP гэж нэрлэдэг.

ATP-ийг утасны battery гэж төсөөлж болно. 🔋

Та хүнд жин өргөх, спринт хийх зэрэг богино хугацаанд өндөр хүч гаргах үед энэ энергийг маш хурдан ашигладаг.

Гэхдээ бидний биед шууд ашиглах боломжтой ATP маш бага хэмжээгээр хадгалагддаг учраас хэдхэн секундын дотор багасаж эхэлнэ.

Эндээс creatine-ийн үүрэг гарч ирдэг.

Таны булчин creatine-ийг phosphocreatine хэлбэрээр хадгалдаг.

Үүний гол үүрэг нь ашиглагдсан ATP буюу таны “battery”-г илүү хурдан дахин цэнэглэхэд туслах.

Өөрөөр хэлбэл:

🔋 ATP = булчингийн шууд ашиглах энерги ⚡ Creatine = тэр энергийг хурдан нөхөхөд тусална

Ингэснээр хүнд, өндөр эрчимтэй бэлтгэлийн үед ядрахаасаа өмнө бага зэрэг илүү ажил хийх боломжтой болдог.

Жишээ нь өмнө нь тодорхой жингээр 8 давталт хийдэг байсан бол цаг хугацааны явцад 9 дэх давталтаа хийх боломж нэмэгдэж болно.

Нэг удаагийн бэлтгэл дээр энэ нь тийм ч том ялгаа шиг сонсогдохгүй.

Гэхдээ долоо хоног, сар, жилээр нь бодвол тэр жижиг ялгаанууд хуримтлагдана.

Илүү чанартай давталт → илүү их бэлтгэлийн ачаалал → progressive overload → булчин, хүч чадлын илүү сайн ахиц.

Тиймээс creatine өөрөө ид шидээр булчин ургуулдаг зүйл биш.

Харин илүү чанартай бэлтгэл хийх боломжийг нэмэгдүүлснээр урт хугацаандаа булчин болон хүч чадлын ахицад тусалдаг.

Creatine-ийн талаар бас мэдэхэд хэрэгтэй хэдэн зүйл:

• Энэ бол хамгийн их судлагдсан нэмэлт тэжээлүүдийн нэг бөгөөд эрүүл хүмүүст зөв хэмжээгээр хэрэглэхэд аюулгүй байдлын мэдээлэл маш сайн.
• Эхэлж хэрэглэхэд жин бага зэрэг нэмэгдэж болно. Гэхдээ энэ нь заавал “таргалж байна” гэсэн үг биш. Creatine булчингийн эс доторх усны хэмжээг нэмэгдүүлж болно.
• Заавал loading phase хийх шаардлагагүй. Өдөр бүр тогтмол хэрэглэхэд хангалттай.
• Ихэнх хүмүүст өдөрт 3–5 г creatine monohydrate хангалттай.
• Хэзээ уухаас илүүтэйгээр өдөр бүр тогтмол хэрэглэх нь чухал.

Зах зээл дээр хэдэн зуун төрлийн нэмэлт тэжээл байдаг ч бодитоор үр дүн нь сайн судлагдсан бүтээгдэхүүн харьцангуй цөөхөн.

Creatine monohydrate бол тэдгээрийн нэг.

Хэрэв танд ийм мэдээлэл хэрэгтэй байдаг бол Fit Nomads дотор бид зөвхөн нэг нэмэлт тэжээлийн талаар биш, фитнесийг бүхэлд нь ойлгож сурахад анхаардаг.

Бэлтгэлээ хэрхэн зөв хийх, булчин яагаад өсдөг, өөх хэрхэн хасагддаг, калори болон уураг хэрхэн ажилладаг, нөхөн сэргээлт, сэтгэлзүй, нэмэлт тэжээл гээд бүгдийг Монгол хэлээр, энгийн ойлгомжтой байдлаар заасан.

Мөн аль нэмэлт тэжээл үнэхээр хэрэгтэй, аль нь зүгээр л маркетинг вэ гэдгийг ч тусад нь үзнэ.

👉 [Fit Nomads-ийн талаар эндээс дэлгэрэнгүй үзэх]

Удахгүй дахин хэрэгтэй мэдээлэлтэй уулзъя. 💪

Dean Fit Nomads